انگلینڈ نے اوئن مورگن کی قیادت میں ہی پہلے مرتبہ آئی سی سی ون ڈے ورلڈکپ کا ٹائٹل اپنے نام کیا تھا۔
کراچی —
انگلینڈ کو ون ڈے کرکٹ ورلڈ کپ کا پہلی بار فاتح بنانے والے کپتان اوئن مورگن نے انٹرنیشنل کرکٹ سے ریٹائرمنٹ کا اعلان کردیا ہے۔35 سالہ کھلاڑی نے مسلسل انجریز اور ناقص فارم سے تنگ آکر یہ فیصلہ کیا ہے۔
منگل کو جاری کردہ ایک بیان میں اوئن مورگن نے کہا کہ انہوں نے ریٹائرمنٹ کا فیصلہ کافی سوچ بچار کے بعد کیا ہے۔
اوئن مورگن بطور کپتان اپنے سات سالہ دور قیادت میں انگلش ٹیم کو ون ڈے اور ٹی ٹوئنٹی ٹیم کو آئی سی سی ورلڈ رینکنگ میں ٹاپ پوزیشن تک لے گئے تھے۔
انگلینڈ نے انہی کی قیادت میں 2019 کا ورلڈ کپ جیتا تھاجب کہ بطور کھلاڑی وہ 2010 میں ٹی ٹوئنٹی ورلڈ کپ جیتنےوالی انگلش ٹیم کے رکن بھی تھے۔
اوئن مورگن کی قیادت میں انگلینڈ نے 126 میں سے 76 ون ڈے انٹرنیشنل میچز جیتے جب کہ ٹی ٹوئنٹی کرکٹ میں انہوں نے انگلینڈ کی 72میچز میں نمائندگی کی جس میں 42 میں انہیں کامیابی حاصل ہوئی۔
"It’s been the most enjoyable time of my life.”Morgs’ reflects on his incredible England career after announcing his international retirement
— England Cricket (@englandcricket) June 28, 2022#ThankYouMorgs