کراچی — انگلش کرکٹ بورڈ (ای سی بی) نے ویمن کرکٹرز کی میچ فیس مردوں کے برابر کر دی ہے۔
انگلینڈ اور آسٹریلیا کے درمیان جون اور جولائی میں ایک ٹیسٹ، تین ون ڈے اور تین ٹی ٹوئنٹی انٹرنیشنل پر مبنی سیریز کھیلی گئی تھی۔
آسٹریلیا نے انگلینڈ کے خلاف ٹیسٹ میچ اپنے نام کیا تھا تو انگلینڈ نے ون ڈے اور ٹی ٹوئنٹی انٹرنیشنل سیریز جیتی تھی جس کے بعد ویمن کرکٹرز کی میچ فیس میں اضافے کے مطالبے نے مزید زور پکڑ لیا تھا۔
میچ فیس میں اضافے کا اطلاق رواں ہفتے سری لنکا کے خلاف ہونے والی سیریز سے ہو گا۔ گزشتہ ماہ ایشز سیریز کے دوران انگلینڈ کی ویمنز کرکٹ ٹیم کے میچ دیکھنے کے لیے مجموعی طور پر ایک لاکھ دس ہزار افراد نے اسٹیڈیم کا رخ کیا جو کہ ایک نیا ریکارڈ ہے۔
A major step forward for the Women's game ⚖️
— England Cricket (@englandcricket) August 30, 2023
دیرینہ مطالبہ
انگلینڈ میں خواتین کرکٹرز کی میچ فیس بڑھانے کی جنگ نئی نہیں، کافی عرصے سے اس معاملے پر بات ہو رہی ہے۔
رواں سال جون میں انڈپینڈنٹ کمیشن فور ایکوٹی ان کرکٹ (آئی سی ای سی) کی جانب سے جاری ہونے والی رپورٹ میں انگلینڈ کرکٹ بورڈ سے مطالبہ کیا گیا تھا کہ 2030 سے پہلے مینز اور ویمنز کرکٹ ٹیموں کی میچ فیس کا فرق ختم ہو جانا چاہیے۔
اس رپورٹ نے مینز اور ویمن کرکٹرز کی میچ فیس کے فرق کو اُجاگر کرتے ہوئے کہا تھا کہ رواں دہائی کے اختتام سے پہلے اس فرق کو ختم کیا جائے۔
Australia triumph in the Women’s #Ashes Test 🫡
— ICC (@ICC) June 26, 2023
📝 #ENGvAUS: https://t.co/w2dM92Ku8E pic.twitter.com/sY6OsEMHrw
جس وقت یہ رپورٹ منظر عام پر آئی تھی، ویمن کرکٹرز کی میچ فیس اپنے ساتھی مرد کھلاڑیوں کے مقابلے میں ایک چوتھائی تھی، یہی حال اسپانسرشپ کا بھی تھا جس میں مرد کرکٹرز کو خواتین کے مقابلے میں زیادہ پیسے ملتے تھے۔
رپورٹ میں یہ بھی لکھا تھا کہ انگلینڈ میں پروفیشنل ویمنز کرکٹرز کی تعداد میں سن 2020 کے بعد سے دگنا اضافہ ہوا ہے، جہاں پہلے صرف 40 کرکٹرز تھے۔ اب وہیں 80 ویمنز کرکٹرز ایکشن میں نظر آتی ہیں۔
Watch dreams come true as eleven young competition winners enjoy a once-in-a-lifetime training session with the England Women’s team. No doubt they'll all be watching their heroes inspire on the pitch today as the Women's Ashes begins #HeathersPride #EngvAus pic.twitter.com/kapfbommdF
— England and Wales Cricket Board (@ECB_cricket) July 2, 2019
انگلینڈ کی ویمنز کرکٹ ٹیم کی کپتان فیصلے سے مطمئن
اس موقع پر انگلش کرکٹ بورڈ کے چیف ایگزیکٹو آفیسر رچرڈ گولڈ نے ویمنز کرکٹ ٹیم کو مبارکباد دیتے ہوئے کہا کہ خواتین کرکٹ کو اوپر لے کر جانا ہی ان کی اولین ترجیح ہے۔ حالیہ دنوں میں ویمنز کرکٹ کے ڈومیسٹک اسٹرکچر میں اضافی سرمایہ کاری سے کئی نئے کھلاڑی سامنے آئے ہیں۔
Skipper Heather Knight leads England to a sensational win ✨#ENGvAUS | 📝 Scorecard: https://t.co/bpyyOV0OfV pic.twitter.com/X6PY6m5z2E
— ICC (@ICC) July 12, 2023
ان کا مزید کہنا تھا کہ انگلش کرکٹ بورڈ تمام سفارشات پر غور کر رہا ہے اور انہیں خوشی ہے کہ مینز اور ویمنز کرکٹ کھلاڑیوں کی میچ فیس برابر کر کے انہوں نے اس جانب پہلا قدم اٹھایا۔
اس فیصلے کا انگلش ویمنز کرکٹ ٹیم کی کپتان ہیدر نائٹ نے بھی خیر مقدم کرتے ہوئے کہا کہ مینز کرکٹرز کے برابر میچ فیس ہو جانے سے ملک میں ویمنز کرکٹ کو فروغ ملے گا۔
England keep the Women's #Ashes alive after a high-scoring thriller at The Oval!#ENGvAUS scorecard: https://t.co/uAsgjpsPlf pic.twitter.com/5YYXvlpYIc
— ICC (@ICC) July 5, 2023
ان کا مزید کہنا تھا کہ انگلینڈ میں ویمنز کرکٹ درست سمت میں جا رہی ہے جس سے مستقبل میں اس کھیل کو مزید پرکشش بنانے میں فائدہ ملے گا۔
