فلم جوائے لینڈ کی کاسٹ
کراچی —
سال 2022 سے قبل پاکستان سے کوئی بھی فیچر فلم ‘کان فلمفیسٹیول‘ میں نہ تو نمائش کے لیے منتخب ہوئی تھی اور نہ ہی کسی پاکستانی فلم کو وہاں زیادہ پذیرائی ملی تھی۔ لیکن ہدایت کار صائم صادق کی فلم ‘جوائے لینڈ’ نے اس سال نہ صرف یہ سب ممکن بنایا بلکہ فلم دو ایوارڈ جیتنے میں بھی کامیاب رہی ہے۔
فلم ‘جوائے لینڈ’ پاکستان سے کان فلم فیسٹیول کے لیے منتخب ہونے والی پہلی فلم ہے۔ یہ فلم نہ صرف اس فلمی میلے کے لیے منتخب ہوئے بلکہ وہاں اس کی نمائش کے بعد حاضرین نے کھڑے ہو کر تالیاں بجائیں۔
صائم صادق کی فلم کو فیسٹیول میں ‘ان سرٹن ریگارڈ’ کیٹگری کے لیے منتخب کیا گیا تھا، جہاں اس نے جمعے کو ‘جیوری ایوارڈ’ اپنے نام کرلیا۔ اس کے علاوہ ہفتے کو فلم نے ‘کویئر پام ایوارڈ’ بھی جیت کر میلہ لوٹ لیا۔
کوئیرپام ایوارڈ کی ویسے تو کوئی آفیشل حیثیت نہیں مگر یہ کان فلم فیسٹیول میں آنے والی ان فلموں کو دیا جاتاہے جن کی کہانی دوسروں سے مختلف ہوتی ہے۔
— Festival de Cannes (@Festival_Cannes) May 27, 2022
The list of laureates Un Certain Regard #Cannes2022 has been unveiled ! Chaired by actress, director and producer Valeria Golino, the Jury has awarded artistically daring films.