کرکٹ کی تاریخ میں آج تک کوئی بھی کھلاڑی 10 برس سے کم عرصے میں ٹیسٹ میچوں میں 10 ہزار رنز نہیں بنا سکا تھا۔
کراچی —
نو سال، پانچ مہینے اور 23 دن، یہ وہ عرصہ ہے جس میں انگلینڈ کے کھلاڑی جو روٹ نے ٹیسٹ کرکٹ میں 10 ہزار رنز کا سنگ میل عبور کیا ہے اور اس کے ساتھ ہی وہ دنیا کے پہلے بلے باز بن گئے ہیں جنہوں نے 10 سال سے کم مدت یہ سنگِ میل عبور کیا۔
کرکٹ کی تاریخ میں آج تک کوئی بھی کھلاڑی 10 برس سے کم عرصے میں ٹیسٹ میچوں میں 10 ہزار رنز نہیں بنا سکا تھا۔
لارڈز کے مقام پر نیوزی لینڈ کے خلاف کھیلے گئے پہلے ٹیسٹ میں سابق انگلش کپتان نے جیسے ہی اپنے کیریئر کی 26ویں سینچری اسکور کی، انہوں نے 10 ہزار رنز کا ہندسہ بھی عبور کر لیا۔
جو روٹ کو حال ہی میں انگلش ٹیم کی قیادت سے ہٹایا گیا، وہ لارڈز کےمیچ میں میزبان ٹیم اور نیوزی لینڈ کے درمیان واضح فرق ثابت ہوئے۔
ایک ایسے موقع پر جب انگلش ٹیم مشکلات کاشکار تھی، انہوں نے نئے کپتان بین اسٹوکس کے ساتھ مل کر اننگز کو سہارا دیا اور میچ کے چوتھے دن اپنی سینچری مکمل کرکے ٹیم کو فتح کےقریب لے آئے۔
جب آخری دن کا کھیل شروع ہوا تو انگلینڈ کا اسکور پانچ وکٹ پر 216 رنز تھا اور انہیں میچ جیتنے کے لیے 61 رنز درکار تھے۔
جو روٹ جو اس وقت بھی 77 رنز پر ناقابل شکست تھے، انہوں نے 115 رنز بنا کر انگلینڈ کو پہلے ٹیسٹ میں پانچ وکٹوں سے کامیابی دلائی۔ ان کا ساتھ دیا وکٹ کیپر بین فوکس نے، جو 32 رنز بناکر وکٹ
پر موجود رہے۔
Legend!! Joe Root completes his century at Lord’s and 10000 runs in Test cricket. And he’s made England’s victory certain. Decision to quit captaincy is paying off. #JoeRoot #ENGvNZ pic.twitter.com/pKTd5vqaDH
— Rifat Jawaid (@RifatJawaid) June 5, 2022
جو روٹ کے ریکارڈز
نئےکپتان بین اسٹوکس اور نئے کوچ برینڈن مکلم کی زیرِ نگرانی انگلینڈ کی ٹیم نے پہلا ٹیسٹ میچ تو جیتا لیکن اس کے ساتھ ساتھ بڑی خبر یہ بھی تھی کہ جو روٹ نے سب سے کم عرصے میں ریکارڈ بک میں جگہ بنا لی ہے۔
100 and 10,000 happened to Joe Root at the same time.
— Abhishek Mukherjee (@ovshake42) June 5, 2022
This was obvious, given that √10000=100.
دسمبر 2012 میں ناگ پور کے مقام پر بھارت کے خلاف ٹیسٹ ڈیبیو کرنے والے جو روٹ نے 10 سال سے بھی کم کے عرصے میں یہ ریکارڈ بناکر تاریخ رقم کردی۔
اس سے قبل 10 سال اور 87 دن میں ایلسٹر کک نے یہ کارنامہ انجام دیا تھا جب کہ رواں سال دسمبر میں جو روٹ ٹیسٹ کرکٹ میں اپنے 10 سال مکمل کریں گے۔
جب ایلسٹر کک نے یہ سنگ میل عبور کیا تھا تو ان کی عمر 31 سال اور 157 دن تھی۔ جو روٹ ان کا یہ ریکارڈ تو نہ توڑ سکے لیکن برابر کرنے میں کامیاب ضرور ہوگئے۔
اتوار کے دن جب انہوں نے اپنا 10 ہزار رنز مکمل کیے تو ان کی بھی عمر 31 سال اور 157 دن ہی تھی۔
Amazing to think this was Joe Root’s first 4th innings ton. Second Englishman to cross 10000 Test runs and equal youngest ever with Sir Alistair Cook at 31yrs and 157 days. Job done for England – well played 👏👏#ENGvsNZ
— Isa Guha (@isaguha) June 5, 2022
ایلسٹر کک کے 128 ٹیسٹ اور 229 اننگز کے برعکس جو روٹ نے یہ کارنامہ 118ویں ٹیسٹ اور 218ویں اننگز میں حاصل کیا۔
ٹیسٹ کرکٹ میں تیز ترین 10 ہزار رنز کا ریکارڈ اب بھی ویسٹ انڈیز کے برائن لارا کے پاس ہے جنہوں نے 111ویں ٹیسٹ میں، یہ سنگ میل عبور کیا تھا۔
سرل لنکا کے کمار سنگاکارا 115 ٹیسٹ میچز میں یہ کارنامہ انجام دینے والے دوسرے اور پاکستان کے یونس خان 116 میچز کے ساتھ تیسرے نمبر پر ہیں۔
ٹیسٹ کرکٹ میں سب سے زیادہ 15 ہزار 9 سو 21 رنز بنانے والے بھارت کے سچن ٹنڈولکر نے 10 ہزار رنز اپنے 122ویں ٹیسٹ میچ میں مکمل کیے تھے۔
جو روٹ سے قبل آسٹریلیا کے رکی پونٹنگ بھی 118ویں ٹیسٹ میں 10 ہزار رنز بنانے میں کامیاب ہوئے تھے۔ ان کی اننگز کی تعداد کم ہونےکی وجہ سے ان کا نام ریکارڈ بکس میں انگلش بلے باز سے اوپر جائے گا۔
Joe Root becomes the first player to score 10000 runs within first 10 years of Test career.#ENGvNZ
— Kausthub Gudipati (@kaustats) June 5, 2022
ٹیسٹ کرکٹ میں اب بھی سب سے زیادہ رنز کا ریکارڈ سچن ٹنڈولکر کے پاس ہے جنہوں نے 200 ٹیسٹ میچز میں 15 ہزار 9 سو 21 رنز بنائے ہیں۔
آسٹریلیاکے رکی پونٹنگ 168 ٹیسٹ میچز میں 13 ہزار 3 سو 78 رنز کے ساتھ دوسرے اور جنوبی افریقہ کے کیلس 166 ٹیسٹ میچز میں 13 ہزار 2 سو 89 رنز کے ساتھ تیسرے نمبر پر ہیں۔
صرف ایک رن کے فرق سے بھارت کے راہول ڈریوڈ کا فہرست میں چوتھا نمبر ہے جب کہ 161 ٹیسٹ میں 12 ہزار 4 سو 72 رنز بنانے والے ایلسٹر کک پانچویں پوزیشن پربراجمان ہیں۔
Youngest to 10000 Test runs:
— CricTracker (@Cricketracker) June 5, 2022
31y 157d – Joe Root
31y 157d – Alastair Cook
31y 326d – Sachin Tendulkar
33y 134d – Jacques Kallis
33y 162d – Ricky Ponting
سری لنکا کے کمار سنگاکارا اور مہیلا جے وردھنے، ویسٹ انڈیز کے برائن لارا اور شیونارائن چندرپال، آسٹریلیا کے ایلن بارڈر اور اسٹیو وا، بھارت کے سنیل گواسکر اور پاکستان کے یونس خان بھی 10 ہزار رنز بنانے والے کھلاڑیوں کی فہرست میں موجود ہیں۔
اس وقت سب سے زیادہ میچز کھیل کر 10 ہزار رنز بنانے والے 14 کھلاڑیوں میں آسٹریلیا کے اسٹیو وا کا نام سرفہرست ہے۔ انہوں نے اپنے 156ویں میچ میں یہ سنگ میل عبور کیا۔
ویسٹ انڈیز کے شیونارائن چندرپال نے 140ویں، آسٹریلیا ہی کے ایلن بارڈر نے 136ویں اور جنوبی افریقہ کے کیلس نے 129ویں ٹیسٹ میچ میں یہ کارنامہ انجام دیا۔
