کراچی —
ٹی ٹوئنٹی ورلڈ کپ کے میلے کا باقاعدہ آغاز جنوبی افریقہ اور آسٹریلیا کے درمیان سپر 12 اسٹیج کے پہلے میچ سے ہوا۔ گروپ-ون کے افتتاحی میچ میں گزشتہ ورلڈ کپ کا فائنل کھیلنے والی آسٹریلیا کی ٹیم نے سنسنی خیز مقابلے کے بعد جنوبی افریقہ کو پانچ وکٹوں سے شکست دی۔ جب کہ انگلینڈ نے بھی ویسٹ انڈیز کو آؤٹ کلاس کر دیا۔
ابوظہبی میں کھیلے گئے میچ میں آسٹریلیا نے ٹاس جیت کر فیلڈنگ کا فیصلہ کیا۔
جنوبی افریقہ کا ٹاپ آرڈر پہلے بیٹنگ کرتے آسٹریلوی بالرز کے سامنے ریت کی دیوار ثابت ہوا اور پوری ٹیم مقررہ 20 اوورز میں 9 وکٹوں پر صرف 118 رنز ہی بناسکی۔
Australia start off their #T20WorldCup 2021 campaign in style 💥#AUSvSA | https://t.co/9nS8D6jMaw pic.twitter.com/eZWk4a2H7X
— ICC (@ICC) October 23, 2021
ایڈن مارکرم 40 رنز کے ساتھ ٹاپ اسکورر رہے۔ جب کہ آسٹریلیا کی جانب سے جوش ہیزل ووڈ، ایڈم زیمپا اور مچل اسٹارک نے دو دو کھلاڑیوں کو آؤٹ کیا۔
گلین میکسویل اور پیٹ کمنز کے حصے میں ایک ایک وکٹ آئی۔
🔄 CHANGE OF INNINGS
— Cricket South Africa (@OfficialCSA) October 23, 2021
Aiden Markram top-scored with 40 as we struggled for momentum throughout the innings to post 118/9.
With runs on the board, it's time to turn it on in the field 💪
📝 Full scorecard here https://t.co/c1ztvrT95P#AUSvSA #T20WorldCup #BePartOfIt pic.twitter.com/VTc1YDYWMg
جواب میں آسٹریلوی ٹیم کا بھی آغاز اچھا نہ تھا۔ اننگز کے دوسرے ہی اوور میں کپتان ایرون فنچ کے صفر پر آؤٹ ہونے کے بعد آسٹریلوی بلے بازوں پر پریشر بڑھ گیا۔
The Australian skipper departs for a duck 🦆
— T20 World Cup (@T20WorldCup) October 23, 2021
Nortje the man who delivers the early breakthrough for the Proteas!#T20WorldCup | #AUSvSA | https://t.co/SGLZbYpGoo pic.twitter.com/i91Gh2pEmP
تجربہ کار ڈیوڈ وارنر کے 14 اور مچل مارش کے 11 رنز پر آؤٹ ہوتے ہی آسٹریلوی ٹیم مزید مشکلات کا شکار ہوگئی۔
ایسے میں سابق کپتان اسٹیو اسمتھ نے 34 گیندوں پر 35 قیمتی رنز بنا کر ٹیم کو کامیابی کی راہ پر گامزن کیا۔
Aiden Markram 😲
— T20 World Cup (@T20WorldCup) October 23, 2021
He pulls off an absolute stunner of a catch which leads to the dismissal of Steve Smith for 35!#T20WorldCup | #AUSvSA | https://t.co/SGLZbYpGoo pic.twitter.com/eVpLNnzaql
کھیل کے آخری لمحات میں مارکس اسٹوئنس کے 24 ناٹ آؤٹ اور وکٹ کیپر میتھیو ویڈ کے ناقابل شکست 12 رنز نے بھی ٹیم کی جیت میں اہم کردار ادا کیا۔
آسٹریلیا کی ٹیم نے میچ کے آخری اوور میں پانچ وکٹوں کے نقصان پر 121 رنز بنا کر کامیابی سمیٹی۔ جنوبی افریقہ نے نو وکٹوں کے نقصان پر 118 رنز بنائے تھے یوں آسٹریلیا کو 119 رنز کا ہدف ملا تھا۔
جنوبی افریقہ کے فاسٹ بالر نورکیا کی دو وکٹیں بھی جنوبی افریقہ کو شکست سے نہ بچا سکیں اور یوں ٹیمبا باووما کی قیادت میں جنوبی افریقہ کی ٹیم کو پہلے ہی میچ میں شکست کا سامنا کرنا پڑا۔
A winning start to the #T20WorldCup!
— Cricket Australia (@CricketAus) October 23, 2021
We take the win over South Africa by five wickets in Abu Dhabi. pic.twitter.com/huHaNEKPfT
جوش ہیزل ووڈ کو ان کی شاندار بالنگ پر پلیئر آف دی میچ کا ایوارڈ دیا گیا۔
انگلینڈ کی شاندار کامیابی
دبئی میں کھیلے گئے دوسرے میچ میں سابق چیمپئن انگلینڈ نے دفاعی چیمپئن ویسٹ انڈیز کو یک طرفہ مقابلے کے بعد چھ وکٹوں سے شکست دی۔
انگلینڈ نے ٹاس جیت کر ویسٹ انڈیز کو بیٹنگ کی دعوت دی البتہ ویسٹ انڈین سائیڈ آغاز سے ہی مشکلات کا شکار رہی۔
بلے بازوں کی غیر ذمہ دارانہ بیٹنگ کی وجہ سے دو بار کی عالمی چیمپئن ٹیم 15ویں اوور میں صرف 55 رنز بناکر آؤٹ ہوگئی۔
یہ ٹی ٹوئنٹی ورلڈ کپ میں ویسٹ انڈیز کا سب سے کم اسکور ہے۔ اس سے قبل ویسٹ انڈیز کی ٹیم 2019 میں بھی انگلینڈ کے خلاف 45 رنز بناکر آؤٹ ہوچکی ہے جو آج بھی ٹی ٹوئنٹی انٹرنیشنل میچ میں ان کا ریکارڈ لو اسکور ہے۔
An excellent bowling performance helps England get off to a flyer in their #T20WorldCup 2021 campaign 🙌#ENGvWI | https://t.co/JqnWTPcEVY pic.twitter.com/0f9qfeyD6u
— ICC (@ICC) October 23, 2021
مخالف ٹیم کو اتنے کم اسکور پر آؤٹ کرنے میں سب سے بڑا ہاتھ انگلش لیگ اسپنر عادل رشید کا تھا جنہوں نے صرف دو رنز دے کر چار وکٹیں حاصل کیں۔
انگلینڈ کی ٹیم نے مقررہ ہدف صرف نویں اوور میں چار وکٹوں کے نقصان پر حاصل کیا۔
وکٹ کیپر جوس بٹلر 24 رنز کے ساتھ ٹاپ اسکورر رہے۔
Moeen Ali ❤️
— England Cricket (@englandcricket) October 23, 2021
4⃣-1⃣-1⃣7⃣-2⃣
Scorecard: https://t.co/QRRsvqQINR#T20WorldCup | #EnglandCricket pic.twitter.com/8qE7jZmTrs
آف اسپنر معین علی کو اننگر کا آغاز کرنے اور پاور پلے کے دوران دو وکٹیں لینے کی وجہ سے پلئیر آف دی میچ قرار دیا گیا۔
اس کامیابی کے ساتھ ہی انگلش ٹیم اپنے گروپ کے ٹاپ پر پہنچ گئی ہے جہاں آسٹریلیا بھی دو پوائنٹس کے ساتھ موجود ہے۔
