فائل فوٹو
کراچی —
آسٹریلیا کی 200 سے زائد انٹرنیشنل میچز میں نمائندگی کرنے والے سابق آل راؤنڈ کرکٹر اینڈریو سائمنڈز کی ایک کار حادثے میں موت ہو گئی ہے۔46 سالہ سابق ٹیسٹ کرکٹر کی کار کو حادثہ آسٹریلیا کی ریاست کوئنزلینڈ کے شہر ٹاؤنزوِل میں پیش آیا ۔
پولیس کے مطابق حادثہ ہفتے کی رات کو اس وقت پیش آیا جب سائمنڈز کی گاڑی تیز رفتاری کے باعث الٹ گئی۔ جائے حادثہ پر پیرا میڈیکس نے انہیں طبی امداد تو مہیا کی تاہم وہ جانبر نہ ہو سکے۔
سن 1998 سے لے کر 2009 کے درمیان آسٹریلیا کے لیے 198 ون ڈے انٹرنیشنل میچوں کے ساتھ ساتھ 26 ٹیسٹ اور 14 ٹی ٹوئنٹی میچ کھیلنے والے اینڈریو سائمنڈز ریٹائرمنٹ کے بعد کرکٹ مبصر کے طور پر خدمات انجام دے رہے تھے۔
Tributes flow for the great Andrew Symonds.
— Cricket Australia (@CricketAus) May 15, 2022
Our deepest condolences to all those who were lucky enough to enjoy the pleasure of his company ❤️ pic.twitter.com/k5zacI4Jbl
آسٹریلیا کی 26 ٹیسٹ میچوں میں آسٹریلیا کی نمائندگی کرنے والے اینڈریو سائمنڈز نے 40.6 کی اوسط سے 1462 رنز بنائے جن میں دو سینچریاں اور 10 نصف سینچریاں شامل ہیں۔
One minute of Andrew Symonds direct-hit run outs! pic.twitter.com/MHRqNp1w1d
— cricket.com.au (@cricketcomau) May 15, 2022
اس کے ساتھ ساتھ انہوں نے 24 کھلاڑیوں کو پویلین بھیجا اور 22 کیچز پکڑے۔ 198 ون ڈے میچوں میں انہوں نے چھ سینچریوں کی مدد سے 5088 رنز اسکور کرنے کے ساتھ ساتھ 133 وکٹیں حاصل کیں جب کہ فیلڈ میں ان کے 82 کیچز کی وجہ سے مبصرین انہیں دنیائے کرکٹ کے بہترین فیلڈرز میں شمار کرتے ہیں۔
اینڈریو سائمنڈز کو ڈسپلن کی خلاف ورزی پر کئی بار ٹیم سے باہر بھی کیا گیا جس کی وجہ سے وہ اپنے کیریئر میں صرف 14 ٹی ٹوئنٹی انٹرنیشنل میچز ہی کھیل سکے جس میں انہوں نے 337 رنز اسکور کرنے کے ساتھ ساتھ آٹھ وکٹیں اور تین کیچز بھی اپنے نام کیے۔
کرکٹ مبصرین انہیں نہ صرف دنیا کے بہتر فیلڈرز میں شمار کرتے تھے بلکہ انہوں نے کئی مرتبہ اپنی جارحانہ بلے بازی کی وجہ سے آسٹریلوی ٹیم کو یقینی شکست سے بچایا۔
اپنے 11 سالہ کیریئر کے دوران انہوں نے دو ورلڈ کپ مقابلوں سمیت متعدد ایشز سیریز میں بھی آسٹریلیا کی نمائندگی کی اور کامیابی میں اہم کردارادا کیا۔
JUST IN: The cricket world is in mourning today following the death of popular former Test allrounder Andrew Symonds in a car accident. https://t.co/XyQe4QK6C7 #cricket #andrewsymonds pic.twitter.com/AdcWgVDynZ
— The West Australian (@westaustralian) May 14, 2022
اینڈریو سائمنڈز کی پیدائش انگلینڈ کے شہر برمنگھم میں ہوئی تھی جب وہ تین ماہ کے تھے اس وقت ان کے والدین آسٹریلیا منتقل ہوگئے تھے جہاں انہوں نے چھوٹی عمر سے ہی کرکٹ کھیلنا شروع کردی تھی۔
اپنا انٹرنیشنل ڈیبیو کرنے سے پہلے انہوں نے آسٹریلوی ڈومیسٹک اور انگلش کاؤنٹی کرکٹ میں بھی متعدد ریکارڈ بنائےجن کی وجہ سے انہیں آسٹریلوی ٹیم میں منتخب کیا گیا۔
Remembering Andrew Symonds, a member of a golden generation of Australian cricketers. #RIPRoy #andrewsymondshttps://t.co/gUimOJifpX
— Wide World of Sports (@wwos) May 15, 2022
اینڈریو سائمنڈ زکی اچانک موت کے بعد ان کے مداح اور سابق کرکٹرز کا انہیں خراج عقیدت پیش کر رہے ہیں۔
پاکستان کے سابق فاسٹ بولر شعیب اختر نے اینڈریو سائمنڈز کی موت پر افسوس کا اظہار کرتے ہوئے کہا کہ سائمنڈز کے ساتھ ان کا فیلڈ میں اور فیلڈ سے باہر اچھا تعلق رہا۔
Devastated to hear about Andrew Symonds passing away in a car crash in Australia. We shared a great relationship on & off the field. Thoughts & prayers with the family. #AndrewSymonds pic.twitter.com/QMZMCwLdZs
— Shoaib Akhtar (@shoaib100mph) May 14, 2022
سابق پاکستانی کپتان اور وکٹ کیپر راشد لطیف نے بھی سابق آسٹریلوی کرکٹر کو یاد کرتے ہوئے کہا کہ انہوں نےسائمنڈ ز کے خلاف کھیلا بھی اور ان کے ساتھ وقت بھی گزارا۔
ان کا کہنا تھا کہ دنیا انہیں اچھے کرکٹر اور ان کے ساتھی انہیں ایک اچھے انسان کے طورپر یاد رکھیں گے۔
I saw him on the field, played against him, spent time with him & I can only say I will miss you Andrew. World saw you as a devastating cricketer, we felt the real human rooted deep inside you RIP #AndrewSymonds @cricketcomau @CricketAus pic.twitter.com/gsGA1PUW0R
— RASHID LATIF 🇵🇰 (@iRashidLatif68) May 15, 2022
پاکستان کے اوپننگ بلے باز احمد شہزاد نے بھی اینڈریو سائمنڈز کی موت پر گہرے دکھ و غم کااظہار کیا۔
Always a magnanimous presence in the field. Never imagined you’d go so early. Sad beyond words on hearing about Andrew Symonds passing away in a car accident. World cricket will always remember you. #AndrewSymonds pic.twitter.com/9Eczy9M1F4
— Ahmad Shahzad 🇵🇰 (@iamAhmadshahzad) May 15, 2022
بھارت کے جارح مزاج بلے باز وریندر سہواگ نے اینڈریو سائمنڈز کو دنیائے کرکٹ کے بہترین ‘اینٹر ٹینرز’ میں سے ایک قرار دیا۔
Sad to know of #AndrewSymonds passing away in a tragic accident. He was one of the best entertainers in his playing days and his passing is a great loss for world cricket. Condolences to his family and friends. pic.twitter.com/DznBYRtXv9
— Virender Sehwag (@virendersehwag) May 15, 2022
ایک اور بھارتی کرکٹر شیکھر دھون نے بھی اینڈریو سائمنڈز کی موت کو ایک سانحہ قرار دیا۔
Shocking news #AndrewSymonds! My condolences to his family and friends. May God bless his soul 🙏 pic.twitter.com/6RBUQNwVcy
— Shikhar Dhawan (@SDhawan25) May 15, 2022
کرکٹ مبصر اور کمنٹیٹر ہارشا بھوگلے، جنہوں نے اینڈریو سائمنڈز کے ساتھ کمنٹری بھی کی، کا کہنا تھا کہ سابق آسٹریلوی کھلاڑی جب فارم میں ہوتے تھے تو ان کا کوئی مقابل نہیں ہوتا تھا۔ان کی اچانک موت سے ان کے چاہنے والوں کو دکھ پہنچا۔
What a player when on song. And, at heart, a simple fellow as some of us were happy to discover. Too soon. #AndrewSymonds
— Harsha Bhogle (@bhogleharsha) May 15, 2022
صرف کرکٹرز ہی نہیں، معروف بھارتی اداکار سنجے دت نے بھی سوشل میڈیا کے ذریعے اینڈریو سائمنڈز کے گھر والوں سے ان کی اچانک موت پر تعزیت کی۔
Deeply shocked to hear about one of cricket’s finest #AndrewSymonds. Thoughts and prayers with his family. May God bless his soul. RIP Legend!
— Sanjay Dutt (@duttsanjay) May 15, 2022
وہ کرکٹرز جو کار حادثے میں اپنی جان سے ہاتھ دھو بیٹھ
اینڈریو سائمنڈز قبل بھی کئی کھلاڑی اپنی یا دوسروں کی تیز رفتاری کی وجہ سے دورانِ سفر ہی وفات پاچکے ہیں۔ ان کھلاڑیوں میں سرفہرست نام سابق انگلش آل راؤنڈر بین ہولی اوک کا ہے جو صرف 24 سال کی عمر میں 2002 میں کار حادثے میں ہلاک ہوئے۔
Test cricketers who (recently) died in road accidents:
— Mohandas Menon (@mohanstatsman) May 15, 2022
– Ben Hollioake 2002
– Manjural Islam Rana 2007
– Runako Morton 2012
– Ezra Moseley 2021
– Andrew Symonds 2022#RIP
بنگلہ دیش کے 22 سالہ کرکٹر منجور الاسلام رانا کی بھی 2007 میں موٹر سائیکل حادثے میں موت ہوئی تھی۔
پانچ سال بعد 33 سال کی عمر میں ویسٹ انڈین بلے باز روناکو مورٹن بھی ایک کار حادثے کا شکار ہوکر انتقال کرگئے تھے جب کہ 2021 میں سابق ویسٹ انڈیز فاسٹ بالر ایزرا موزلی بھی موٹرسائیکل ایکسیڈنٹ میں ہلاک ہوئے۔
سابق جنوبی افریقی کپتان ہنسی کرونئے کی موت بھی ہوائی جہاز کے حادثے میں ہوئی تھی۔
