اسپورٹس

آسٹریلیا کی کرکٹ ٹیم کی 24 برس بعد پاکستان آمد، کراچی، لاہور اور راولپنڈی میں میچ ہوں گے

Written by Omair Alavi

کراچی — 

آسٹریلیا کی کرکٹ ٹیم 1998 کے بعد پہلی مرتبہ پاکستان کا دورہ کرے گی۔ اس دورے کی منظوری کرکٹ آسٹریلیا نے جمعے کو بورڈ کی ایک میٹنگ میں دے دی ہے۔ کرکٹ آسٹریلیا کی جانب سے جاری بیان میں کہا گیا ہے کہ 24 سال بعد آسٹریلوی کرکٹ ٹیم پاکستان جا رہی ہے۔

پاکستان کا 24 سال کے وقفے کے بعد دورہ کرنے والی آسٹریلوی ٹیم اپنے قیام کے دوران تین ٹیسٹ، تین ون ڈے انٹرنیشنل اور ایک ٹی ٹوئنٹی انٹرنیشنل میچ کھیلے گی۔

اس دورے کے حوالے سے کرکٹ آسٹریلیا کے چیف ایگزیکٹو نک ہوکلے کا کہنا ہے کہ دورے کو یقینی بنانے کے لیے وہ پاکستان کرکٹ بورڈ (پی سی بی) اور دونوں ممالک کی حکومتوں کے مشکور ہیں۔ اس سیریز میں دو ورلڈ کلاس ٹیموں کے درمیان دلچسپ مقابلہ دیکھنے کو ملے گا ۔

Here’s the full schedule! 🗓The squads will be announced in the coming days. pic.twitter.com/BPrl6TYwaB— Cricket Australia (@CricketAus) February 4, 2022

اس دورے کا آغاز آئندہ ماہ چار مارچ کو راولپنڈی میں پہلے ٹیسٹ میچ سے ہوگا جس کے بعد دونوں ٹیمیں 12 سے 16 مارچ تک کراچی میں دوسرے اور 21 سے 25 مارچ تک لاہور میں تیسرے ٹیسٹ میں مدمقابل ہوں گی۔

ٹیسٹ سیریز کے بعد دونوں ٹیمیں 29 مارچ سے دو اپریل کے درمیان تین ون ڈے میچز پر مشتمل سیریز راولپنڈی میں کھیلیں گی۔

پہلا ون ڈے 29مارچ ، دوسرا 31 مارچ اورتیسرا دو اپریل کو پنڈی کرکٹ اسٹیڈیم میں کھیلا جائے گا۔

Revised schedule of Australia’s tour to Pakistan announcedMore details: https://t.co/XsizASAcMK#PAKvAUS pic.twitter.com/nwmTmjeBg3— PCB Media (@TheRealPCBMedia) February 4, 2022

گزشتہ سال ٹی ٹوئنٹی ورلڈ کپ کے سیمی فائنل میں شکست کے بعد یہ پاکستان اور عالمی چیمپئن آسٹریلیا کے درمیان پہلا مقابلہ ہو گا۔

راولپنڈی ہی کے مقام پر دورے کے آخری میچ اور واحد ٹی ٹوئنٹی انٹرنیشنل میں پاکستان اور آسٹریلیا کی ٹیمیں پانچ اپریل کو مدمقابل ہوں گی۔

آخری مرتبہ پاکستان اور آسٹریلیا کی ٹیمیں پاکستان میں 1998 میں ایکشن میں نظر آئی تھیں۔ اس سیریز کے دوران آسٹریلیا نے تین میچز پر مشتمل ٹیسٹ سیریز ایک صفر اور تین ون ڈے انٹرنیشنل میچز کی سیریز تین صفر سے اپنے نام کی تھی۔

🇵🇰 Ijaz Ahmed ➞ 111🇵🇰 Mohammad Yousuf ➞ 100🇦🇺 Adam Gilchrist ➞ 103🇦🇺 Ricky Ponting ➞ 124*#OnThisDay in 1998, four tons were scored in a single ODI for the first time!Despite Pakistan setting a target of 316, Australia chased it down with six wickets to spare 👏 pic.twitter.com/od8GsQFBuu— ICC (@ICC) November 10, 2020

یہ وہی سیریز تھی جس میں آسٹریلوی کپتان مارک ٹیلر نے پشاور کے مقام پر 334 رنز کی ناقابل شکست اننگز کھیلی تھی۔ پاکستان کی جانب سے شاہد آفریدی نے تیسرے میچ میں ڈیبیو کرتے ہوئے پانچ کھلاڑیوں کو آؤٹ کیا تھا۔

#OnThisDay in 1998, Mark Taylor equalled Don Bradman’s score of 334* 🔥 It was the highest individual score for Australia in Tests until Matthew Hayden surpassed it in 2003! pic.twitter.com/NpZhFp4qQt— ICC (@ICC) October 16, 2020

اس کے بعد دونوں ممالک کے درمیان کئی مرتبہ ٹیسٹ سیریز منعقد ہوئی البتہ جب جب پاکستان کی میزبانی کا وقت آیا تو کبھی نائن الیون کے بعد دنیا کی بگڑتی ہوئی صورتِ حال کی وجہ سے، تو کبھی پاکستان میں خراب حالات کی وجہ سے ہمیشہ نیوٹرل وینیوز کا انتخاب کیا گیا۔

#OnThisDay in 2014, Misbah-ul-Haq smashed a 56-ball century in a Test match against Australia. It’s the equal second fastest hundred in the history of Test cricket. #TukTuk pic.twitter.com/y6jEaUN4Nk— ICC (@ICC) November 2, 2018

پاکستان اور آسٹریلیا کے درمیان آئندہ ماہ ہونے والی سیریز کے شیڈول میں معمولی سے رد و بدل کی گئی ہے البتہ اس شیڈول پر بھی شائقینِ کرکٹ نے خوشی کا اظہار کیا۔

کسی نے نیا شیڈول ری ٹوئٹ کرکے خوشی کا اظہار کیا تو کسی نے پنڈی کرکٹ اسٹیڈیم میں پانچ میچز منعقد کرنے پر کرکٹ بورڈ کا شکریہ ادا کیا۔

Wake up to this news ….. Rawalpindi is getting so many matches… Masha Allah Masha Allah 💞💞 #PakvsAus pic.twitter.com/ES4ow4L8TA— Mariya Rajput (@mariya_raj10) February 4, 2022

ایک صارف کے مطابق جس مقام پر نیوزی لینڈ ٹیم کو سیکیورٹی کا خدشہ تھا وہاں اب دنیا کی نمبر ون ٹیم بلا خوف و خطر کھیلے گی۔

Pindi Cricket Stadium will host Australia for 5 international matches, the very same place where New Zealand felt unsecured.The world will now the #1 team playing here, and I’m sure there will be no empty seat in the stadium. #PakistanZindabad #PAKvsAUS pic.twitter.com/PbrI7jTABE— S A A D | LQ 🇵🇰 (@SaadSays22) February 4, 2022

تین ٹیسٹ اور تین ون ڈے میچز کی ہونے پر بھی صارفین نے خوشی کااظہار کیا۔

Glad to see t20 & odi will happen in Rawalpindi❤️. Can’t wait #PAKVSAUS pic.twitter.com/MxBIjLnbQE— زھراء کاظمی 🦋 (@RaKazmy14) February 4, 2022

Omair Alavi – BOL News

About the author

Omair Alavi

عمیر علوی ایک بہت معزز صحافی، تنقید کار اور تبصرہ نگار ہیں جو خبروں، کھیلوں، شوبز، فلم، بلاگ، مضامین، ڈرامہ، جائزوں اور پی ٹی وی ڈرامہ میں مہارت رکھتے ہیں۔ وسیع تجربے اور داستان سوزی کی خصوصیت کے ساتھ، وہ اپنے دلچسپ تجزیوں اور دلکش تقریروں کے ذریعے حاضرین کو مسحور کرتے ہیں۔ ان کی ماہری اور تعاون نے انہیں میڈیا اور تفریحی صنعت کا اہم شخصیت بنا دیا ہے۔